نړیوال بانک افغانستان کې د ۶۰۰ میلیونه ډالرو په ارزښت څلور پروژې وځنډولې

د نړیوال بانک مشرتابه په تازه پرېکړه کې ویلي، په افغانستان کې د نجونو د ښوونځیو د تړل کېدو په غبرګون کې دوی په دغه هېواد کې د کرنې او روغتیا په برخه کې خپلې څلور سترې پروژې چې شااوخوا ۶۰۰ میلیونه ډالر لګښت پرې راځي، وځنډولې.

 دغه بانک وايي، دوی له نړیوالو بنسټونو سره په اړیکه کې په افغانستان کې فعالیتونه ترسره کوي او که د نړیوالې ټولنې غوښتنې په افغانستان کې نه منل کېږي،نو دوی هم د ورته پروژو له عملي کولو پر شاه کېږي.

نړیوال بانک تر دې وړاندې ویلي وو، چې په افغانستان کې به ځينې پراختیايي پروژې پیل کوي،خو دا پروژې به د افغان حکومت پر ځای د خیریه موسسو له لوري عملي کېږي.