د نړیوالې ټولنې د نغدي مرستو ۱۸ کڅوړه کابل ته رارسېدلې  

د افغانستان بانک د شنبې پر ورځ د « ۱۴۰۰ کال د کب پر ۲۱ مه» د یوې خبرپاڼې په خپرولو سره ویلي ،له افغانستان سره د نړیوالې ټولنې د بشري مرستو په لړ کې د ۳۲ میلیونه ډالرو نغدي مرستې بله کڅوړه هم کابل ته را رسېدلې ده.

یاد بانک وايي،دا مرسته د ډالرو پر وړاندې د افغانۍ ارزښت په ثبات کې ډېره مرسته کوي او دوی هڅه کوي،چې په هېواد کې د اقتصادي ثبات لپاره ورتر غاړې مسوولیت په سمه توګه ادا کړي.

د مالوماتو له مخې، هېواد ته د بشرپاله مرستو له پیل تر دې مهاله دا اتلسمه کڅوړه ده،چې کابل ته راځي او افغانستان نړیوال بانک ته سپارل کېږي.