Skip to content
د کندهار د مېروېس حوزوي روغتون د ماشومانو د څانګي مشر ډاکتر محمد صديق وايي، ناروغان د سړې هوا له امله په سينه بغل او نورو ناروغيو اخته شوې، چې شمېر يې تر دوه سوه اوړي.
صديق زیاته کړه:« د ماشومانو په واټ کې له زموږ سره په بېلابېلو ناروغۍ اخته ماشومان بستر دي، خوارځواکي او تنفسي ناروغۍ یې لویه برخه جوړوي.»
د کندهار په ميروېس روغتون کې د موسمي ناروغۍ له امله د بستر شوو ماشومانو د کورنۍ غړي بیا وایي، ماشومان یې د کمې پاملرنې او پر وخت نه درملنې له امله په سينه بغل او نورو ګواښوونکو ناروغيو اخته شوي دي.
د یوه ناروغ پيوازه عاليه وايي:«زموږ پر ماشوم لومړی د شري ناروغي حمله وکړه. له هغه وروسته مو ډېرو ډاکټرانو ته یووړ، خو نتیجه یې نه ده ورکړې، اوس مو دلته میرویس روغتون ته راوستی دی، نن یې درېيمه ورځ ده، چې دلته بستر دی.»
د کندهار د مېروېس روغتون د ماشومانو څانګي مشر ډاکټر محمد صدیق د موسمي ناروغيو څخه د خوندي پاتې کېدو لپاره د روغتيایي سپارښتونو د عملي غوښتنه کوي.
صديق زیاتوي:« د هوا په سړېدو سره زموږ توصیه خلکو ته دا ده،چې کوښښ وکړي، د سهار او مازیګر هوا کې چې ډېره یخه وي، د خپلو ماشومانو ساتنه وکړي، یعني په خونو کې دې یې وساتي.»
د هوا ککړتیا، وچ کالي،کافي خوړو نشتوالی، ککړې اوبه، د تازه میوو نه خوړل او د ماشومان د حفظ الصحیې په برخه کې د کورنیو کمه پاملرنه روغتياپالان په موسمي ناروغيو د اخته کېدو ستر لاملونه يادوي.
