افغانستان له زېمبابوې سره د کرېکټ سیالۍ ترسره کوي

د افغانستان کرېکټ بورډ ويلي، د زېمبابوې په کوربتوب به د افغانستان او زبمبابوې ترمنځ د کرېکټ څو سیالۍ ترسره شي.

د کرېکټ بورډ په وینا، په زېمبابوې کې به د دواړو هېوادونو ترمنځ درې پنځوس اوریزې یا یو ورځنۍ او پنځه شل اوریزې سیالۍ ترسره شي.

د مالوماتو له مخې، دغه سیالۍ به د راتلونکې ډسمبر میاشتې له نیمایي پیل او د ۲۰۲۲ میلادي کال د جنورۍ تر لومړۍ نېټې پورې به دوام وکړي.