افغانستان کې ۲۹ نور کسان پر کورونا ناروغۍ اخته شوي

عامې روغتیا وزارت د تېرې ورځې مالوماتو له مخې، افغانستان کې د کورونا ویروس ۲۹ نورې مثبتې پېښې ثبت شوي، چې په دې سره په ټول هېواد کې پر کوېډ ۱۹ ناروغۍ د اخته کسانو شمېر ۱۵۶ زره او ۴۸۷ تنو ته ورسېد.

د دغه وزارت خپره شوې اعلامیه کې راغلي، په یاده موده کې له دې وبا څخه څوک نه دي مړه شوی او دوه تنه بیا ترې روغ شوي، چې په دې سره د مړو شمېر ۷۲۹۲ او د رغېدلو کسانو شمېر ۱۲۹ زره او ۴۹ تنو ته ورسېد.

روغتیایي چارواکې وایي، کوېډ ۱۹ ناروغي لاهم جدي ګواښ دی او هېوادوال باید روغتیایي لارښوونو ته پام وکړي.