د کرېکټ نړیوال جام: افغانستان وروستۍ لوبه وبایلله او یاد جام کې یې خپل سفر پای ته ورساوه

د افغانستان کرېکټ ملي لوبډلې خپله پنځمه لوبه پرون له نیوزيلنډ سره وکړه، چې په اتو ویکټو سره یې لوبه خپلې سیالې لوبډلې ته پرېښوده.

د لوبې پچه یا ټاس افغانستان وګټله او د توپ وهنې پریکړه یې وکړه.

نجیب ځدران د ۷۳ منډو په تر سره کولو سره سیالې لوبډلې ته د  ۱۲۵ منډو هدف ټاکلی و.

نیوزيلنډ یاد هدف د لوبې په اتلسم اور کې یوازې د دوو لوبغاړو په سوځېدو سره پوره کړ او الف ګروپ کې یې له پاکستان سره لومړی ځای ونیوه.

نیمه پایلوبه کې به پاکستان-اسټرلیا، انګلستان او نیوزيلنډ د یو بل پر وړاندې لوبې کوي.