د کرېکټ نړیوال جام؛ افغانستان نن له هندوستان سره د سیالۍ ډګر ته ښکته کېږي

د افغانستان او هندوستان ترمنځ د کرېکټ شل اوریزه نړیوال جام دا لوبه به د کابل پر وخت ماذدیګر شاخوا شپږ نیمې بجې د ابوظبۍ د کرېکټ په سټډیوم کې پیل شي.

افغانستان د کرېکټ په شل اوریز نړیوال جام کې تر اوسه درې سیالۍ کړي، چې دوه یې ګټلي او یوه یې بایللې ده.

هندوستان بیا تر اوسه دوه سیالۍ کړي او دواړه یې بایللي دي.

نن به د اصغر افغان پر ځای لوبه کې شرف الدین اشرف برخه واخلي.

د مالوماتو له مخې، راتلونکې یکشنبه به افغانستان له نیوزیلنډ سره د سیالۍ ډګر ته ښکته شي.