سرچینه وايي، افغان هوايي ځواکونو نن پنجوايي ولسوالۍ کې پر هغو وسله والو هوايي بریدونه کړي، چې له حکومتي ځواکونو سره پر مخامخ جګړه بوخت وو.
د سرچینې په وینا، هوايي بریدونو کې د القاعده شبکې د یوه ګروپ مسوول “رحماني” هم وژل شوی دی.
د سرچینې په خبره، هوايي بریدونو کې نورو وسله والو طالبانو ته هم درنه مرګ ژوبله اوښتې، خو تر اوسه یې کره شمېر نه دی معلوم.
دغې ولسوالۍ کې له تېرې ورځې راهیسې د حکومتي ځواکونو او طالبانو تر منځ درنه جګړه روانه ده او طالبان توانېدلي، چې د ځینو پوستو په سقوط سره د ولسوالۍ تر بازاره ورسېږي.
طالبانو تر اوسه د دغو هوايي بریدونو په اړه څه نه دي ویلي.