د کاناډا لوېدیځ بریټیش کلمبیا ولایت کې تېرو پنځو ورځو کې د سختې ګرمۍ له امله لږترلږه ۴۸۶ کسانو خپل ژوند له لاسه ورکړی دی.
لومړي وزیر جسټن تروډو له هغو لسګونو کسانو سره خواخوږي وښوده،چې د ګرمۍ سختې څپې له امله خپلوانو ژوند له لاسه ورکړی دی.
تروډو وايي، موږ له هغو کسانو سره یو،چې د ګرمۍ له امله یې خپلوان له لاسه ورکړي او زیاته یې کړه، دا تودوخه د اقلیم بدلون د ستونزې د اوارولو غوښتنه کوي.
یو شمېر پوهان بیا وايي، په څو ورځو کې به دا مالومه کړي،چې د بریټیش کلمبیا وروستیو ورځو سوځوونکې ګرمي د انساني فعالیت له امله ده او که نه.
اخوا د امریکا په پورتلنډ او سیاټل ښارونو کې هم ګرمه هوا په ۱۹۴۰ لسیزه کې د ریکارډونو د ثبت له پیل تر اوسه تر ټولو لوړې کچې ته رسېدلې ده.
v
