افغانستان کې د امریکايي اوناټو ځواکونو عمومي قومندان سکاټ مېلر ویلي، مونږ له طالبانو سره په توافقنامې کې واضح کړې، چې ایتلافي ځواکونه او امریکایان له افغان پوځ څخه ملاتړ او دفاع کوي.
د جنرال سکاټ مېلر په خبره، که طالبان غواړي هوايي بمبار صفر ته راټيټ شي، دوی دې خپل ډله ییز عملیات بند کړي.
مېلر دغه راز افغانستان کې د ولسوالیو سقوط د اندېښنې وړ موضوع یاده کړې ده.
هغه ویلي، داسې لیدل کېږي، چې افغانستان کې پر پوځي حل لارې ټینګار ډېر شوی، خو پوځي حل لاره د افغانستان لپاره ګټوره نه ده.
خو طالبانو بیا ویلي، امریکايي لوري د بهرنیو ځواکونو وتلو ځنډ سره د دوحې تړون نقض کړی، امریکايي ځواکونه نه شي کولای پر مونږ هوايي بریدونو ته دوام ورکړي، که دا لړۍ ادامه مومي امریکایان دې هم د یوه سخت غبرګون په تمه اوسي.
