پښتونخوا کې زرګونو پښتنو د پاکستان حکومت پر ضد لاریون وکړ.
د پښتونخوا په مرکزي ښارګوټو کې د ارمان لوڼي د شهادت په غبرګون د پاکستان د حکومت پر ضد پراخ لاریونونه پیل شول.
زرګونو پښتنو مبارزینو او د پښتون ژغورنې د غورځنګ مینه والو د پاکستاني حکومت پر ضد شعارونه ورکول.
د ارمان لوڼي شهادت د پاکستان پر ضد د پښتنو ځوانانو توند غبرګونونه او کرکه را پارولې ده.
د ارمان غایبانه جنازې په کابل، کندهار، ننګرهار، خوست، پکتیا، هلمند، لوګر، بلخ، کنړ او یو شمیر نورو ولایتونو کې هم وشوې.
د پښتون ژغورنې غورځنګ مشر منظور پښتین، ارمان لوڼي ته د قوم د شهید نوم ورکړی.
ټاکل شوې ده چې د ارمان لوڼي د شهادت په غبرګون به دلته په یو شمیر ولایتونو کې هم ورته اعتراضیه لاریونونه وشي.
ارمان لوڼی د شنبې په ورځ د کوېټې په لولايي سیمه کې د یو پاکستاني پولیس افسر له خوا په ډزو ووژل شو.
