بریټانیا هم د عربي ژورنالیست پر سر د سعودي مشرانو ته ګواښ وکړ.
د بریټانیا د بهرنیو چارو وزیر وايي، که سعودي د پیښې د پټولو هڅه نه کوي نو باید په دې برخه کې همکاري وکړي.
جرمني وايي که ثابته شي چې سعودي مشرانو په دې قضیه کې لاس لري؛ بریټانیا به مناسب غبرګون وښيي.
د بریټانیا د بهرنیو چارو وزیر جرمي هنټ پر ریاض غږ وکړ چې د جمال خاشقجي په پیښه کې مرسته وکړي.
هنټ ګواښ وکړ که سعودي حقایق نه پټوي نو بیا اړ دي چې همکاري وکړي او د خاشقجي په موندلو کې د نړیوالو ملاتړ وکړي.
د بریټانیا د بهرنیو چارو وزیر جرمي هنټ وویل، ((که هغوی څه نه پټوي نو باید همکاري وکړي، ما د سعودي له بهرنیو چارو وزیر سره خبرې وکړې، ما له هغوی ډيرې پوښتنې وکړې اوس نو د هغوی پورې اړه لري چې څه کوي، دا د بیان د ازادۍ موضوع ده ځکه نړیوالو ته ډیره مهمه ده.))
د امریکا او ترکیې په څير جرمي هنټ هم و ویل چې بریټانیا هم په دې تړاو اندېښمنه ده.
هنټ زیاته کړه چې که داسې څه ثابت شي چې سعودي مشران د خاشقجي په لادرکه کېدو او یا وژنه کې لاس لري نو بریټانیا غلې نه کېني.
د بریټانیا د بهرنیو چارو وزیر جرمي هنټ وویل، ((زه نه غواړم چې ګومانونه او شکونه وکړم، ځکه موږ له حقیقت نه یو خبر، خو موږ په دې تړاو ډېر څرګند دریځ لرو ، که د سعودي په تړاو دا کیسې رښتیا شي نو موږ به پرې فکر وکړو چې په دې اړه څنګه مناسب غبرګون وښيو.))
اخوا سعودي عربستان د خاشقجي د ورکېدو او مړینې په تړاو څه نه دي ویلي؛ خو ټرمپ د هغو څرګندونو په تړاو یې سخت غبرګون ښودلی چې ګواکې د سعودي په مشرانو به بندیزونه ولګوي.
خاشقجي له تیرو دوه اونیو راهیسې په استانبول کې لادرکه دی.
