Skip to content
د سیمې، نړۍ او افغانستان ترمنځ وروستۍ ډیپلوماتیکې راشې درشې تمې زیاتې کړي،چې د افغانستان نوی نظام به د نړیوال رسمیت تر سټیجه ورسیږي.
د افغانستان اسلامي امارت د ویاند مرستیال بلال کریمي ايي،د نړۍ ټولو هغو معقولو غوښتنو منلو ته د اسلامې او ملي ارزښتونو په رڼا کې چمتودي،چې د رسمیت پیژندنې په برخه کې یې نړیوال له افغانستانه لري.
کریمي وايي،په دغه برخه کې یې بهرنی سیاست پر توازن ولاړ دی او پر تعامل او مذاکراتو باور لري.
کریمي زیاتوي:« اسلامي امارت د یوې ژوندۍ ډیپلوماسۍ له مخې د نړۍ له ټولو هېوادونو سره متوازن سیاسيت مخ ته وړي،پرتعامل،تفاهماتو او مذاکراتو باندې باورلري او اسلامي امارت به له نړۍ سره د مذاکراتو له لارې مخ ته لاړشي او ټول هغه موارد، چې واقعآ معقول وي او نړیوال هېوادونو او سازمانونو حق وي، اسلامي امارت به یې د خپلو اسلامي او ملي ارزښتونو په رڼا کې پوره کوي.»
اخوا د سیاسي چارو یو شمېر شنونکي بیا وايي،د نړۍ تازه شرایطو ته په کتو د زبرځواکونو هېوادونو ترمنځ سیالیو د افغانستان د حکومت رسمیت پیژندنې لپاره شرایط برابره کړي دي.
دوی وايي، دغې موخې ته د رسیدو لپاره اړینه ده،چې کابل ځینې کورنۍ دندې،چې د ولس او نړۍ قناعت پرحاصل کیږي، باید ترسره کړي او نور دې له وړو مسایل ور تیر شي.
د سیاسي چارو شنونکی حکمت حکمت وايي:« نړیوالو شرایطو ته په کتو د اسلامي امارت د رسمیت پیژندنې مسله له بل هر وخت اوس په ښه حال کې ده. د دې لپاره،چې په عملي توګه دغه کار له ټولو هېوادونو سره همزمان وشي، موږ باید ځینې کورنۍ دندې ترسره کړو او دغه کورنۍ دندې د خپل ملت رضایت لپاره او له نړیوالو د مشروعیت اخېستلو لپاره اړینې دي. له ولس سره ډیالوګ ، د ښوونې او روزنې پروسې سراسري پیل ،د مرستو شفاف ویش او د امنیت د ډاډمن کیدو لپاره د ولسونو همکاري.»
روسیه بیا په نړۍ کې هغه لومړنی هیواد دی،چې په مسکو کې یې د افغانستان سفارت ته د اسلامي امارت لیږل شوي ډیپلومات باور لیک یې په رسمي توګه منلی دی.
دمګړۍ په افغانستان کې د اسلامي همکاریو د سازمان دفتر او اورپايي ټولنې د سفارت سربېره ۱۴ د سیمې هېوادونه په کابل کې فعال سفارتونه لري او افغانستان ډېره برخه سفارتونه،چې په بهرنیو هېوادونو کې دي، د نوي نظام پر لارښوونه کار کوي.
