کرزی او وېسټ: افغانستان کې باید د نجونو ښوونځي ژر پرانېستل شي

د افغانستان لپاره د امریکا متحده ایالتو بهرنیو چارو وزارت ځانګړي استازي ټوماس وېسټ له پخواني  ولسمشر حامد کرزي سره د نجو پر زده کړو خبرې کړې دي.

حامد کرزي او ټام ویسټ په دغو ټیلفوني خبرو د ښوونځیو پر پرانیستل کېدو او د زده کړو په اهمیت خبرې کړي او ټینګار شوی،چې باید په افغانستان کې د نجونو پر مخ د ښوونځیو دروازې پرانېستل شي.

ویسټ ټینګار کړی دی،چې د ښوونځیو د ژر پرانېستل کېدو اړتیا ده، ځکه دا د افغانستان د راتلونکې لپاره مهم اقدام دی.

دواړو لورو داسې مهال د ښوونځیو پر پرانېستل کېدو ټینګار کړی،چې اسلامي امارت وایي، د ځینو شرایطو له امله د ښوونځیو پرانېستل کېدل ځنډول شوي او د شرایطو په پوره کېدو سره به د نجونو ښوونځي بېرته پرانېستل شي.