Skip to content
د ازبکستان بهرنیو چارو وزیر عبدالعزیز کاملوف د ایټالیا په کوربتوب د مرکزي اسیا بهرنیو چارو وزیرانو ناسته کې وویل، نړیواله ټولنه دې پر افغانستان بندیزونه پای ته ورسوي او کنګل شوې پانګه دې ازاده کړي.
کاملوف همداراز له نړیوالو غوښتي،چې د افغانستان بانکي سیسټم د بیا فعالولو لپاره دې لاس پر کار شي،ځکه دا هېواد د یوه بد بشري ناورین پر لور روان دی.
هغه ویلي، افغانان ډېر سخت بشري وضعیت سره مخ دي او مهمه ده،چې د افغانستان له خلکو سره اغیزمنه مرسته وشي.
په ورته وخت کې کاملوف پر اسلامي امارت غږ کړی دی،چې له افغان خاورې نورو ته د ترهګرۍ له خوریدو مخنیوی وکړي.
وړاندې تر دې چین، روسیې، او پاکستان هم له نړۍ غوښتنه کړې وه،چې د افغانستان نهه اشاریه پنځه میلیارده ډالر چې امریکایی بانکونو کې کنګل شوې ازاده کړي.
