ایران وايي، اوس مهال په کابل کې د ایران سفارت د دروازې تړل کیدل،د کابل او تهران ترمنځ د اړیکو خرابیدو توطئه ده.
دا خبرپاڼه وروسته له هغې خپرېږي،چې د ایران د مشهد ښار په یوه زیارت کې پر ملایانو له برید وروسته،په دې هېواد کې افغان کډوالو سره د ایراني ځواکونو او عامو خلکو له خوا بد چلن او ظلم پيل شو او پر کوردننه یې د افغانانو غوسې راوپارولې.
سره له دې چې اسلاميامارت د امام رضا زیارت کې پر درېیو ملایانو د چړو برید،چې پرمهال یو کس وژل شوی او درې ټپيان شوي غندلی دی،خو له تېرو څو ورځو راهیسې په خواله رسنیو کې افغان ګډوالو سره د ایرانیانو له لورې د تاوتریخوالي او شکنجو ویډیوګانې خپرېږي.
دا لومړی ځل نه دی، چېایران کې له میشتو افغانانو سره د ایراني ځواکونو او عامو خلکو له خوا زور زیاتی او بد چلن کېږي، بلکې په تیرو شلو کلونو کې زرګونه افغانان له دې هېواده په زور را شړل شوي، سلګونه نور بندیان شوي،سیند ته اچول شوي او ګڼ شمېر نور وژل شوي دي.
