کوزې پښتونخوا کې د پښتنو قامي جرګه جوړه شوه.
دغه جرګه د عوامي نشل ګوند په کوربه توب د باچاخان مرکز پېښور ې جوړه شوې ده.
جرګه کې د ګڼ شمېرګوندونو، خوځښتونو او مدني ټولنو مشرانو ګډون کړی دی.
د غونډي مشري د عوامي نشل ګوند مرکزي مشر اسفندیار ولي خان کوله او د پښتون ژغورنې غورځنګ د مشر منظور احمد پښتین په ګډون، د جمعیت علمای اسلام، د قومي وطن پارټۍ، د مسلم لیګ او د پاکستان پیپلس پارټۍ مشرانو په کې ګډون کړی دی.
یاده جرګه د پښتون قام د تحفظ، ترهګرۍ ضد غږ اوچتولو او په ټوله کې د پښتون قام د یووالي په هدف جوړه شوې وه.
جرګه کې پرېکړه او ټینګار شوی چې د پښتنو د رټنې، مخه دې ونیول شي او د پښتنو سیمو کې دې د شویو جنګي جرایمو په اړه یو ځانګړی کمیسیون څیړنې وکړي.
جرګې د پښتنو سیمه کې د ترهګرو تازه فعالیتونو باندې اندېښنه ښودل شوې او د بې کوره شویو او ورکو کسانو په تړاو د جدي اقداماتو غوښتنه شوې ده.
