Skip to content
د تخار ولایت امنیه قوماندانۍ مسوولین وايي، د دغه ولایت په چاه آب ولسوالۍ کې د یوه واده په مراسمو کې لسګونه کسان مسموم شوي دي.
د ځایي سرچینو له مخې،دغه کسان د چاه آب ولسوالۍ روغتون ته پرون مازیګر استول شوي او بېرته نورمال شوي دي.
د تخار امنیه قوماندانۍ مسوولین وايي، د دغې پېښې په تړاو یې تر دې دمه ۷ تنه نیولي دي.
دوی زیاتوي،چې له نیول شویو کسانو پوښتنې او ګروېګنې روانې دي او پایله به یې وروسته څرګنده شي.
عیني شاهدان وايي،ښايي د کورنیو ترمنځ له جنجالونو وروسته ستونزه رامنځ ته شوې وي او د واده د پخلي په دیګ کې مسموم کوونکي مواد اچول شوي وي.
