له بلې خوا، روسي رسنۍ وايي چې په دغه چاودنو کې ۴۰ تنه وژل شوي او ۱۲۰ تنه ټپیان دي.
د پيښې قربانیان ټول هغه ملکي افغانان دي چې بهرني پاسپورتونه لري، یا یې تیرو کلونو کې د ناټو سازمان سره همکاري کړې او یا هم پر کابل د طالبانو حاکمیت له وروسته له بهرنیو هېوادونو څخه ورته خپلو خپلوانو بللي دي.
طالبانو دغه برید غندلی او ویلي یې دي چې برید د بهرنیانو تر کنټرول لاندې سیمه کې شوی دی.
له پيښې وروسته له کابل هوايي ډګر نه الوتنې درېدلي او هلته ور ټول شوي زرګونه خلک شړل شوي دي.
دغې پېښې په کور دننه او بهر سخت غبرګونونه راپارولي، په پراخه کچه غندل شوې او دا په افغانستان کې د یوې بلې پېچلې جګړې پيلامه بلل شوې ده.
له برید یو ساعت وروسته د بریټانیا لومړي بورېس جانسن دافغانستان په تړاو د کابینې بېړنۍ ناسته را غوښتې ده.
جانسن دغه راز ويلي چې له افغانستانه د خپل هېواد اتباعو او افغانانو ويستلو لړۍ ته دوام ورکوي.
بل پلو د اسرائېلو د لومړي وزیر دفتر اعلان کړی چې پر کابل هوايي ډګر د برید له امله امریکايي ولسمشر بایډن سره لومړي وزیر نفتالي بنت لیدنه ځنډولې ده.
