ولسمشر به راتلونکې اونۍ د لوړې مراسم ترسره کړي.
ارګ وايی٬ د لوړې د مراسمو کمیسیون چمتوالی نیولی او ګڼ شمیر کورني او بهرني ملیمانه به پکې ګډون وکړي.
ارګ د لوړې د مراسمو د ځای په تړاو څه نه وايي٬ خو ویل کیږي چې د لوړې مراسم د ولسي جرګې په تالار کې ترسره کېږي.
د ټاکنو خپلواک کمیسیون له لورې محمد اشرف غني د هیواد منتخب ولسمشر اعلان شو او د لوړې د مراسمو لپاره خلک انتظار باسي.
د ولسمشر مرستیال ویاند دواخان مینه پال وايي٬ د لوړې مراسم به راتلونکې اونۍ د ځانګړي کمېسیون له لوري ترسره شي خو د دقیقې نیټې په تړاو یې څه نه وايي.
د ولسمشر مرستیال ویاند دواخان مینه پال داسې وویل (( دا د کمیسیون دنده ده، چې په څومره و خت کې کولی شي دغه مراسم تنظیم کړي او څوک ورته را وبلي. خو دغه مراسم به راتلونکې اونۍ ترسره شي.))
داسي هم ویل کیږي چې د لوړې مراسم به د تیر په پرتله متفاوت وي په ارګ کې نه بلکې د ولسي جرګې په تالار کې به ترسره شي.
ارګ د لوړې د مراسمو د ځای په اړه مالومات نه ورکوي خو زیاتوي چې بهرني ملیمانه به هم را وبلل شي.
دواخان مینه پال وویل (( کمیسیون به د مراسمو ګډونوالو ته په کتو چې دغو مراسمو ته بهرني ملیمانه هم را بلل کیږي د ځای په اړه به یې پریکړه کوي.))
تراوسه منتخب ولسمشر د لوړې مراسم نه دي ترسره کړي خو د حکومت بایلونکې ډله بیا د هیواد په بیلابیلو ولایتونو کې د والیانو ګمارنو ته بډې وهلي دي.
