وانګ یو: چین له افغانستان سره د ۴.۷  میلیونو ډالرو په ارزښت بشري مرستې کوي

په افغانستان کې د چین سفیر وانګ یو نن دوشنبه د «۱۴۰۰ کال د لړم پر۱۴ مه» پر خپل ټویټر پاڼه لیکلي، هېواد به یې له افغانستان سره د ۴.۷ میلیونو ډالرو په ارزښت خوراکي توکي برابر کړي دي.

 هغه زیاته کړې ده،چې دغه اندازه مرستې به د افغانستان له خلکو سره چې له سخت ژمي تیریږي مرسته وکړي.

په کابل کې د چین سفیر د تیرې نومبر میاشتې پر ۲۱مه هم ویلي و،چې څه باندې ۱۰۰۰ ټنه بشري مرستې له بېجینګ کابل ته روانې شوې دي.

وانګ یو وویل، په دغو بشري‌ مرستو کې غذايي مواد،‌جامې،‌ د ژمي لپاره بوټان او کمپلې شامل دي.

دا مرستې په اورګاډو کې افغانستان ته انتقالیږي.

دغه راز یو وویل، د جولاۍ میاشتې راهېسې د افغان- چین د اورګاډي د پټلۍ له لارې افغانستان ته ۲۶۰۰ ټنه خوراکي مواد انتقال شوي‌ دي.