دا تړون د قطر په دوحه کې لاسلیک شي.
دوحه کې کې د امریکا متحده ایالاتو او طالبانو ترمنځ نن هوکړه لاسلیک کیږي. دغه هوکړه د کابل پر وخت یوه بجه لاسلیک کیږي.
قطر کې د طالبانو دفتر ویاند سهیل شاهین رسنیو ته ویلي، چې ددې تړون پر اساس به ټول بهرني ځواکونه له افغانستانه ووځي خو د مودې په اړه یې څه نه دي ویلي چې په څومره موده کې بهرني ځواکونه وځي.
بلخوا زبیح الله مجاهد ویلي، چې د هوکړې لاسلیک لپاره به د نورو وختونو په پرتله تاوتریخوالی کم وي.
مجاهد ویلي، چې د بین الافغاني خبرو د پیل مخکې اړتیا ده چې د اعتماد جوړونې لپاره بندیان خوشې شي او موږ به هم ژر بندیان خوشې کړو.
یوې بلې سرچینې بیا ویلي چې ددې تړون له لاسلیک وروسته به د تاوتریخوالي د کمېدو بل پړاو پیل شي او ورسره به په د بین الافغاني مذاکراتو لپاره په یوه اروپايي هېواد کې بشپړ چمتووالی ونیول شي.
د ښاغلي شاهین په خبره، په دې غونډه کې به د ګاونډیو او سیمه ییزو هېوادونو د بهرنیو چارو وزیران یا ځانګړي استازي او د نړیوالې ټولنې استازي ګډون وکړي.
وړاندې طالبانو تمه درلوده چې روسیه او چین به ددې تړون ضمانت وکړي، خو په دې مراسمو کې ګډون کوونکي هېوادونه او د سازمانونو استازي د شاهدانو په توګه ګډون کوي.
