ننګرهار: جلال اباد ښار کې د ۳۰ خیاطانو هټۍ وتړل شوې 

د ننګرهار ښاروالۍ  اړوند د نرخونو کنټرول ګډ کمېسیون له لوري د یکشنبې پر ورځ د «۱۴۰۱ کال د وري پر ۲۸ مه» د ښار بېلابېلو برخو کې د هغو خیاطانو ۳۰ هټۍ مهرلاک شوې،چې  له ټاکل شوې نرخنامې یې پر لوړه بیه جامې ګنډلې.

د یاد کمېسیون غړو دوی ته جدي سپارښتنه وکړه،چې له  نرخنامې سره سم چلن وکړي او که څوک سرغړونه وکړي، له  قانوني چلن سره به مخ شي.

امنیتي مسوولین وايي، د څارنې او پلټنې بهیر په ټول ښار کې روان دی او له سرغړونکو سره  به جدي او قانوني چلن کېږي.