Skip to content
د افغانستان لپاره د امریکا متحده ایلتو د سفارت شارژدافیر يان مککري ويلي،هيواد يې لا هم له افغانانو سره بشري مرستو ته ژمن دی.
مککري پر خپله ټویټرپاڼه لیکلي، د امریکا متحده ایالت له اسلامي امارته غواړي،چې د افغانانو بشري حقونو ته د درناوي په برخه کې پر خپلو ژمنو عمل وکړي.
امریکا د تېرې پنجشنبې په ورځ له افغانستان سره د مرستو په نړیوال کنفرانس کې د ۲۰۰ ميليونو ډالرو اضافي مرستې اعلان هم کړی دی.
د افغانستان لپاره د مرستو راټولولو په هغه پرلیکه غونډه کې مرسته کوونکو هېوادونو له افغانستان سره د ۲.۴ ميلياردو ډالرو مرستې ژمنه کړې ده.
