Skip to content
د طالبانو د قطر دفتر پخواني مشر سید محمد طیب اغا پر طالبانو غږ کړی، چې راتلونکی نظام دې له انحصار وژغوري او ټول اړخونه دې په واک کې شریک شي.
طیب اغا ویلي، کار دې مسلکي کسانو ته ورکړل شي، که هغه د تېر نظام افراد هم وي باید له وړتیاوو یې کار واخیستل شي.
هغه ویلي، د تجرید او منزوي کولو سیاست بدې پایلې درلودلی شي.
نوموړي په ورته مهال کې پر نړیوالې ټولنې، ملګرو ملتونو او اسلامي هېوادونو هم غږ کړی، چې د طالبانو حکومت دې په رسمیت وپيژني، ځکه د طیب اغا په باور د انزوا پر لور د افغانستان کشولو هڅه د ټولې نړۍ پر زیان دی.
دغه لوړ پوړي مخکیني طالب چارواکي د توصیې په ډول ویلي، طالبان دې ټول نړیوال نورمونه، چې له اسلام سره په ټکر کې نه وي ومني او داسې اسلامي حکومت دې جوړ کړي، چې ټولو افغانانو او نړیوالو ته د منلو وړ وي.
