که څه هم سوادګرۍ خونه د صادراتو د زیاتوالي خبره کوي،خو یو شمیر اقتصاد پوهان اندېښنه لري، که د پخوا په څېر ټول بانکونه فعالیت پیل نه کړي،افغانستان به له لوی اقتصادي بحران سره مخ شي.
د اقتصادي چاررو شنونکی تاج محمد تلاش وايي:« که چېرې د بانکونو فعالیتونه همداشان لکه،چې دا اوس روان دي، افغانستان کې به فقر، بېکاري او بې وزلي ډېره لوړه کړي.
دا بیا نظام له قوي ګواښونو سره مخامخ کوي. هېله من یم،چې د افغانستان اسلامي امارت ډېر ژر مرکزي بانک او همدارنګونه د خصوصي بانکونو مرکزي او ولایتي څانګې پرانېزي او چوپړتیاوې پیل کړي.»
وروسته تر هغې،چې طالبانو په هېواد حاکمیت ترلاسه کړ، ټولو بانکونو په هېواد کې خپل فعالیتونه بند کړل،چې تازه یو شمیر بانکونو بېرته فعالیت پیل کړی،خو د خلکو له نیوکو سره مخ دي،چې اوونۍ له ۲۰ زره ډېرې پیسې له بانک نه شي ترلاسه کولای.
