روسیه: که طالبان ټول شموله حکومت جوړ کړي، په رسمیت یې پېژنو

روسیې ویلي، که طالبان ټولشموله حکومت جوړ کړي، په رسمیت یې پيژني او د حکومت اعلان په مراسمو کې یې هم ګډون کوي.

د روسیې د بهرنیو چارو وزیر سرګي لاوروف له طالبانو غوښتي، چې  ټولشموله حکومت جوړ کړي او ټولو ډلو ته پکې ونډه ورکړي. 

هغه تېره ورځ  خبریالانو ته ویلي، که طالبان داسې وکړي نو روسیه چمتو ده، چې حکومت یې په رسمیت وپېژني او ان د لوړې مراسمو کې یې هم ګډون وکړي

لاروف ویلي، طالبانو  ورته د نوي حکومت د اعلان په مراسمو کې د ګډون بلنه ورکړې ده.

ویل کېږي، چې طالبانو روسیې،  پاکستان، چین، ترکیې او قطر هېوادونو ته بلنه ورکړې، چې د نوي حکومت اعلان په مراسمو کې یې ګډون وکړي.