شکایتونو کمیسیون کې خپلمنځي جنجالونو له امله د پرېکړو اعلان وځنډېده.
ټاکل شوې وه چې ټاکنیزو شکایتونو کمیسیون د سې شنبې په ورځ د شویو شکایتونو او استناف غوښتنو په تړاو خپلې وروستۍ پریکړې اعلان او ټاکنو کمیسیون ته یې ولیږي خو د کمیشنرانو ترمنځ د اختلاف له امله دغه چاره وځنډیده .
د شکایتونو کمیسیون کمشنر سید قطب الدین رویدار وايي، په استنافي دوسیو د تدقیق بهیر له ترسره کیدو وروسته به ټاکنیزو شکایتونو کمیسیون خپلې پریکړې اعلان کړي .
کمشنران وايي په یوه یا دوه نورو ورځو کې به خپلې پریکړې د تطبیق او اعلان لپاره د ټاکنو خپلواک کمیسیون ته وسپاري.
نیوکې دادي چې ټاکنیز کمیسیونونه په یوه او بله پلمه دغه بهیر غځوي او د ځینو فشارونو امله خپلې پریکړې نه شي وروستۍ کولای، کمیسیونونه هم مني چې ټاکلې مودې نقض کړي خو لامل یې د کار د حجم زیاتوالی په ګوته کوي .
د قانون پر اساس ټاکنیزو شکایتونو کمیسیون یوازې دوه ورځې لري چې خپل کارونه وروستي کړي او په تړاو یې پریکړې اعلان کړي .
