د ټاکنیز کړکیچ اصلي لامل چې درې سوه زره رایو برخلیک موضوع ده په خپل ځای پاتې ده.
د ټاکنیزو شکایتونو کمېسیون یوه معتبره سرچېنه چې نه غواړي نوم یې په ډاګه شي، شمشاد ته وویل، کمېسیون خپلې چارې پای ته رسولي او یوازې د پریکړو ابلاغ ته پاتې دي.
په ټاکنیزو شکایتونو کمیسیون کې یوې معتبرې سرچینې شمشاد ته ویلي چې دټولو جنجالي مواردو په تړاو پریکړې شوي چې له مخې هغو درې سوه زره لانجمنو رایو ته باور ورکړل شوی چې ځینو ټاکنیزو ټکټونو تورې رایې بللې .
دغه سرچینه وايي شوې پریکړې دکمیشنرانو له لوري لاسلیک شوې هم دي چې ډیر ژر به اعلان شي .
ددغه کمیسیون دارالانشا بیا وايي چې ډیر ژر به خپلې پرې کړې دتطبیق او اعلان لپاره ټاکنیزو کمیسیون ته واستوي .
په راتلونکې یوه اونۍ کې به ټاکنیزو شکایتونو کمیسیون کار پایته ورسیږي او ددغه کمیسیون پریکړې به دتطبیق او اعلان لپاره ټاکنو کمیسیون ته واستل وشي .
له کمیسیون غوښتنې دادي چې باید د خلکو حق چې په سختو شرایطو کې یې رایه ورکړې تر پښو لاندې نه شي او له پوره شفافیت وروسته دې خپلې پریکړې اعلان کړي.
خو د شکایتونو کمیسیون د دارالانشا رییس چمن شاه اعتمادي بیا وايي چې تردې مهاله یې له پوره دقت اوغور وروسته پریکړې کړي او په یوه اونۍ کې به شکایتونو ته د رسیده ګۍ چارې بشپړې شي .
په ورته مهال دغه کمیسیون په ټولو ولایتونو کې داستنافي مواردو دتصنیف اوجمع بندۍ دپایته رسیدو خبر ورکوي چې په خبره یې ټولې قضیې دکمیشنرانو ترمیزه رسیدلي او ددوي دپریکړودانتظار باسي .
