اخوا اسلامي امارت بیا د بشر حقونو دڅار بنسټ وروستی راپور رد کړ او د امریکا په ګډون د شلو هېوادونو دغې اعلامیې ته په غبرګون کې یې ویلي،ټولو پخوانیو سرتېرو او دولتي کارکووکو ته عمومي بښنه شوې، له کوم چا غچ نه دی اخېستل شوی او که په دې تړاو بې پرې څېړنې کېږي،دوی همکارۍ ته تیار دي.
د پوځي چارو شنونکي وايي، که اسلامي امارت پر رېښتیا پخواني پوځیان په نښه کوي، دا د نړیوالو اصولو خلاف کار دی او په باور یې دغه عمل کولی شي،د اسلامي امارت پر وړاندې د نړیوالو دریځ لا سخت کړي،چې پایله کې به یې نړیوال مشروعیت نا ممکنه وي.
د پوځي چارو شنونکی توریالی ځاځی وايي:« د طالبانو اوسنی کړنلاره او کړنې د نړیوالو اصولو سره په ټکر کې دي. دا چې طالبان د پخواني حکومت امنيتي کارکوونکي او نور پرسونل وژني او یا یې برمته کوي،دا په خپل طالبانو ته زیان رسوي او د دوی د رسميت پیژندلو ته هم خنډ ګرځي.»
ځینې بیا په هېواد کې د نورو وسله والو او استخباراتي ډلو فعالیت نه ردوي او شخصي تربګنۍ هم هغه موارد یادوي،چې د مرموزو وژنو لامل کیدی شي،خو ټینګار کوي چې اسلامي امارت مسوولیت لري،چې د هدفي وژنو عاملین پيدا کړي.
د سیاسي چارو شنونکی اجمل سهیل وايي:« فکر نه کوم،چې د اسلامي امارت عمومي پالیسي دې داسې وه، خو یاده دې وي،چې په افغانستان کې داسې کړی هم شته دی،چې له دې فرصته ګټه اخلي او وژني ترسره کوي. طالبان اوس یوه جنګي او سیاسي ډله نه ده،بلکې د ټول هېواد مسوولیت یې پرر غاړه دی او باید په هېواد کې له ټولو چارو څارنه وکړي. دوی که راتلونکې کې اردو هم جوړوي،یادو کسانو ته اړتیا لري،نو د داسې کسانو وژل طالبانو ته هم زیان رسوي.»
له دې مخکې د اسلامي امارت تصفیې کمیسیون هم ویلي وو،چې د صحرایي محکمو عاملینو ته به سخته سزا ورکوي او په ځانګړي ډول یې ویلي وو،چې څوک د پخواني حکومت د مامورینو د وژلو او ځورولو حق نه لري.
