Skip to content
د افغانستان اسلامي امارت د ریاست الوزرا سیاسي مرستیال مولوي عبدالکبیر د چهارشنبې پر ورځ د «۱۴۰۱ د غويي پر ۲۱ مه» په خپل دفتر کې د ملګرو ملتونو د سیاسي استازولۍ (یوناما) له مشرې دیبورا لاینز سره کتنه کړې ده.
په لېدنه کې دواړو لورو د افغانستان د روان وضعیت په اړه خبرې اترې کړې دي.
په دې لیدنه کې لاینز له افغانستان سره د ښو اړیکو اراده څرګنده کړه او زیاته کړې یې ده،چې د تیر پرتله اوس ډېره لېواله ده،چې له افغانانو سره مرسته وکړي.
لاینز ویلي،چمتو ده،چې له افغانانو سره د کوکنارو د کښت په مخنیوي، ماین پاکۍ او کروندو په برخو کې خپلې مرستې لا چټکې او زیاتې کړي.
د یوناما مشرې ویلي، دا هڅې یې هم پیل کړې دي، چې د افغانستان کنګل شوې شتمني بېرته ژر ازاده شي.
لاینز له دې وړاندې د اسلامي امارت له نورو لوړ پوړو چارواکو سره هم لېده کاته کړي دي.
