د بشر حقونو څار نړیواله ډله:اسلامي امارت دې ژر تر ژره د نجونو پرمخ د ښوونځیو دروازې پرانیزي

د بشر حقونو د څار نړیوالې ډلې مشرې هیدر بار ويلي، د میلیونونو افغان نجونو د زده ‌کړو پر نامالوم برخلیک اندېښمنه ده .

بار ویلي، اسلامي امارت باید له ځنډ پرته د نجونو ټول ښوونځي پرانیزي.

دغه راز بار زیاته کړې،چې افغانستان په نړۍ کې یوازینی هېواد دی،چې نجونې په کې د خپل جنسیت له کبله له زده کړو محرومې دي.

هغې ټینګار کړی دی،چې اسلامي امارت بايد ژر تر ژره لاس په کار شي او د نجونو ښوونځي پرانيزي.