Skip to content
د بریټانیا یوې پارلماني کمېټې،له افغانستانه د بریټانوي ځواکونو د وتلو بهیر په تړاو خپلې موندنې خپرې کړې.
د یادې کمېټې موندنې ښيي په دې لړ کې د استخباراتو،ډیپلوماسۍ او پلان جوړولو برخه کې سیستماتیکې ناکامۍ موجودې وې.
دپارلمان وکیلان وايي، په داسې حال کې چې طالبانو پر افغانستان ولکه ټینګوله،د خلکو اېستلو بهیر کې شته ګډوډۍ احتمالاً د انساني ژوند په بیه تمامېده.
دوی وایي،کله چې طالبانو پر کابل ولکه ټینګوله،د هغه وخت د بهرنیو چارو وزیر ډومینیک راب او د بریټانیا لومړی وزیر بوریس جانسن په رخصت تللي ول.
بریتانیا پارلمان کې د بېلا- بېلو ګوندونو ګډې کمېټې راپور یوه برخه:«هغه مهال چې کابل سقوط کاوه، پر رخصتیو د بهرنیو چارو وزارت مهمو مشرانو تلل،په ملي کچه د بېړني وضعیت پر مهال د مشرتابه کنټرول څرنګوالی او د جدیت نشتوالی ښيي.»
د بریټانیا اپوزیسیون د بهرنیو چارو وزیر ډیویډ لامي هم د پارلماني کمېټې څرګندونې تائید کړي او حکومتي چارواکي یې مسوول ګڼلي دي.
لامي زیاته کړې:«له افغانستانه د خلکو اېستلو لړ کې د حکومت ټنبلي، ې کفایتي او د چارو ناسم سمبالښت په ګوته کوي. د بوریس جانسن حکومت د بریټانیا شهرت پر نړیواله کچه راښکته کړی دی.»
نړیوال ځواکونه د ۱۱ سپتمبر له پېښو وروسته،چې په اړه یې القاعده پړه ګڼل کیده، افغانستان ته راغلل او د اسلاميامارت واکمني یې ړنګه کړه،خو دا ځواکونه داسې مهال د ۲۰۲۱ کال اګست میاشتې پر ۳۰ مه په بشپړه توګه له افغانستانه ووتل،چې اسلامي امارت یې له وتلو ۱۵ ورځې وړاندې کابل نیولی و.
