د بحران مخنیوي نړیواله ټولنه: له امریکا غواړو د افغانستان کنګل شوې شتمنۍ په تدریجي ډول خوشې کړي

د بحران مخنیوي نړیوالې ټولنې ویلي، داسې نه ده،چې اقتصادي فشارونه به د اسلامي امارت تګلاره بدله کړي او وړاندیز یې کړی دی، چې امریکا باید په تدریجي ډول د افغانستان کنګل شوې شتمني خوشې کړي او لومړی قسط یې د ازمایښت په توګه ورکړي.

یادې ټولنې ويلي، اقتصادي بندیزونه به هغه افغانان ډېر زیانمن کړي،چې وار له مخه له سخت کړاو سره مخامخ دي.

د بحران مخنیوي ټولنې توصیه کړې،چې باید امریکا او متحدین یې افغانستان ته د نغدو ډالرو لېږلو لارې چارې ولټوي.

د یادې ټولنې په خبره، په دې سره به افغانستان بانک وکولی شي،چې د افغانۍ ارزښت کې ټیکاو پر ځای وساتي او دغه راز بازار ته نغد امریکايي ډالر لیلام کړي.

اسلامي امارت په کراتو ویلي کنګل شوې پیسې د افغانستان شتمني ده،چې باید بېرته افغانستان ته وسپارل شي.