د افغانستان لسګونه نظامي الوتکې افغان پیلوټانو ازبکستان ته تښتولي 

د امریکا د ستراتیژیکو او نړیوالو مطالعاتو مرکز د راپور له مخې، کابل ته د طالبانو له راتګ سره سم د افغانستان د هوايي ځواک شاوخوا ۴۶ الوتکې په دې موخه تښتول شوي، چې د طالبانو لاس ته ونه لوېږي.

ویل کېږي، دغه الوتکې ۴۷ وې، چې یوه جیټ الوتکه د ازبکستان لخوا وېشتل شوې، خو پیلوټان یې ژوندی نیولي دی.

د امریکا د ستراتیژیکو او نړیوالو مطالعاتو مرکز د سپوږمکیو د عکسونو په حواله راپور ورکړی، چې یادې الوتکې د ازبکستان په ترمز نړیوال هوایي ډګر کې دي.

په دغه الوتکو کې اې ۲۰۹ سوپر ټوکانو، ام ای ۲۵ او یو ام ۶۰ چورلکې دي.

افغان پیلوټانو د اګست په ۱۵ مه اته نورې چورلکې د پنجشیر ولایت ته انتقال کړي دي.