د امریکا متحده ایالتو بهرنیو چارو وزیر انټوني بلېنکن د یکشنبې پر ورځ د «۱۴۰۰ کال د لړم پر ۱۴ مه» د متحده عرب اماراتو له ولیعهد محمد بن زاید سره پر سیمه ییزو مسایلو او د افغانستان په اړه خبرې اترې کړې دي.
نوموړي پر خپله ټوېټرپاڼه دا خبره کړې ده،هغه له افغانستانه د امریکایي وګړو او د هغوی د همکارانو د اېستلو په برخه کې د متحده عرب اماراتو د همکارۍ او له افغانانو سره د یاد هېواد د بشري مرستو هرکلی کړی دی.
که څه هم تر اوسه پوررې د یادو خبرو پوره جزئیات نه دي څرګند شوي، خو د امریکا د بهرنیو چارو وزارت په خپره کړې اعلامیه کې ویلي، په ترسره شوي بحث کې پر سیمهییزو مسایلو هم خبرې اترې شوي دي.
دا څرګندونې داسې مهال مطرح کېږي،چې اوس مهال نړیواله ټولنه له اسلامي امارت سره د تعامل په هڅه کې ده.
اسلامي امارت هم ویلي،چې له ټولو هېوادونو سره د ښو اړیکو درلودو غوښتونکي دي او په وینا یې د افغانستان خاوره به د هېڅ هېواد پر وړاندې ونه کارول شي.
