Skip to content
د امریکا متحده ایالتو ولسمشر جو بایډن د افغانستان شل کلنې جګړې په تړاو د ځانګړې وینا پر مهایل وویل،له افغانستانه مو ۱۲۰ زره افغانان خوندي کړي دي.
بایډن وايي، څومره چې یې امکان وو،تر هغې یې زیات افغانان له افغانستان اېستلي او خوندي ځایونو ته یې رسولي دي.
بایډن زیاتوي:« امریکا په افغانستان کې خپله شل کلنه جګړه پای ته ورسوله،چې دا د امریکا په تاریخ کې تر ټولو اوږده جګړه ده.موږ خپل هغه مسوولیت هم بشپړ کړ،چې له ۱۲۰ زرو زیات کسان مو خوندي ځای ته ولیږدول. دا شمیر تر هغې زیات دی،چې خلکو یې تصور درلود.»
بایډن وايي،۹۰ سلنه هغه کسان چې باید له افغانستان ووځي، وتلي او د پاتې کسانو لپاره یې تر اوسه پورې کومه ټاکلې نیټه نه ده ورکړې.
هغه وايي، د تېر حکومت د پیاوړتیا په تړاو یې ټول ګومانونه ناسم راوختل.
بایډن زیاتوي،:«زموږ ګومان دا وو،چې افغانستان ۳۰۰ زره ځواکونه لري. موږ دا ګومان درلود،چې دغه ځواکونه دوه لسیزې په ډېره پرمختللې بڼه روزل شوي وو. زموږ ګومان دا وو،چې هغوی به د طالبانو پر وړاندې ډېره مبارزه وکړای شي،خو زموږ دا ټول ګومانونه ناسم راوختل.»
د بایډن په وینا شااوخوا ۱۰۰ یا ۲۰۰ امریکايي وګړي په افغانستان کې پاتې دي،خو هغوی چې هر وخت و غواړي وتلای شي.
