امربالمعروف وزارت: د ښاروالۍ له کارکوونکو مو غوښتي له خلکو سره ښه چلن وکړي 

د ا فغانستان اسلامي امارت د امربالمعروف او نهی عن المنکر وزارت وايي،د  ښاروالۍ له کارکوونکو یې غوښتي،چې له خلکو سره ښه چلن وکړي.

یاد وزارت د ښاروالۍ کاروونکو ته توصیه کړې،چې ولس له تاسې د ښه چلن غوښتوونکي دي او د هغوی زړه دې نه ماتوي.

دغه توصیه چې په یوه غونډه کې شوې، په کې ویل شوي،چې دولتي کارکوونکي دې د ولس د رضایت په لټه کې شي.

دغه توصیه وروسته له هغې کیږي،چې څو ورځې وړاندې د امربالمعروف وزارت  سرپرست وزیر، شیخ خالد هم له خلکو سره د نرم چلن خبره کړې وه.