Skip to content
د روسیې بهرنیو چارو وزارت اعلان کړی دی،چې روسي، ایراني او پاکستاني شرکتونو د افغانستان له صنعت او سوداګرۍ وزارت سره تړونونه لاسلیک کړي،چې له مخې به یې په دغه هېواد کې څو بنسټیزې پروژې پلې شي.
د یاد وزارت له لوري په خپره شوې خبرپاڼه کې ویل شوي،چې دغه تړونونه د فبرورۍ په میاشت کې لاسلیک شوي او څه باندې یو میلیارد ډالر لګښت لري،چې په هرات کې د ډبرو سکرو د حرارتي برښنا کارخونې جوړول، د کانونو استخراج او د ګازو د پایپ لاین بیارغونه په کې شامل دي.
خبرپاڼه کې وړاندې ویل شوي،چې د افغانستان د صنعت او سوداګرۍ وزارت، د ايراني پانګه والو او د پاکستان د کارپوهانو او استازو د يوې ډلې په ګډون د فبرورۍ په پنځمه دغه تړونونه په کابل کې لاسليک شوي.
دغه راز په خبرپاڼه کې ویل شوي،چې د دغه څلور اړخيز هوکړه ليک له مخې، په افغانستان کې د یو شمیر زیربنایي پروژو د تطبیق په اړه د روسیې د کارګرانو او د روسیې د اقتصادي آپریټر هولډنګ په پام کې لري،چې په سمنګانو کې د ۲۰۰ میګاواټو په ظرفیت د ډبرو سکرو د بریښنا فابریکه جوړه کړي.
