جوزجان کې د برښنایي پېژندپاڼو وېش دویمه څانګه پرانېستل شوه

د احصایې او مالوماتو ملي ادارې له لورې په خپره شوې خبرپاڼه کې ویل شوي،چې په جوزجان ولایت کې د برېښنایي پېژندپاڼو د ویش دویم څانګه هم پرانېستل شوه.

د یاد ولایت د احصایې او مالوماتو ادارې مشر عزیزالله عزام ویلي، په تېرو ۱۴ میاشتو کې یې نږدې ۵۲ زره برښنایي پېژندپاڼې وېشلې دي.

د عزام په وینا د دغو پېژندپاڼو د ویش له درکه یې ۱۵ میلیونه افغانۍ عواید را ټول کړي دي.

دغه راز زیاته کړې،چې په دې ولایت کې د برښنايي پېژندپاڼو د وېش د دویمې څانګې  په پرانېستلو سره به خلکو ته  دې برخه کې لا ډېرې اسانتیاوې رامنځته شي.