کرزي کابل کې د جاپان له سفیر سره کتلي 

پخواني ولسمشر حامد کرزي د دوشنبې پر ورځ د « ۱۴۰۱ کال د کب پر ۱) په کابل کې د جاپان له سفیر تکاشي اوکادا  سره د افغانستان په تړاو په بېلابېلو مسایلو خبرې کړي دي. 

د کرزي د دفتر له لورې په خپره شوې خبرپاڼه کې ویل شوي، په دغه لېدنه کې دواړو خواوو د افغانستان او سیمې پر وضعیت خبرې کړې دي.

دغه راز په خبرپاڼه کې وړاندې ویل شوي،چې دواړو خواوو په افغانستان کې د تلپاتې سولې او ثبات د ټینګښت لپاره د ملي دیالوګ پر اړتیا خبرې کړي او د نجونو پر مخ یې د ښوونځیو او پوهنتونونو د دروازو پر پرانېستلو ټینګار کړی دی.