حکمتیار د نجونو ښوونځیو پر پرانېسته ټېنګار وکړ 

د حزب اسلامي مشر ګلبدین حکمتیار د جمعې ورځې خطبې پر مهال   د نجونو د ښوونځيو پر پرانیسته ټینګار وکړ.

حکمتیار پر اسلامي امارت غږ وکړ،چې ښځو ته هغه حقونه ورکړي،چې شریعت ورکړي دي.

د حزب اسلامي مشر ټینګار وکړ، چې پر افغانانو او افغانستان په زور حکومت نه کیږي.

هغه په بشپړ ډول د ښځو د مخ پټولو په تړاو هم وویل، هغه کالي او حجاب دې پر ښځو نه تحمیل کیږي،چې په اسلامي شریعت کې نه وي.

حکمتیار نجونو ته د زده کړو د حق پر ورکولو ډېر ټینګار وکړ.

په کور دننه او بهر کې ګڼ نور دیني علماوو هم له تیرو څو میاشتو راهیسې پر دې ټینګار کوي،چې باید ژر د نجونو ښوونځي پرانېستل شي.