د ایران ولسمشر یو ځل بیا افغانستان کې پر ټولګډونه حکومت ټېنګار  کړی

د ایران ولسمشر ابراهیم رئیسي د قطر له امیر شیخ تمیم بن حماد الثاني  سره په یوه  ګډ خبري کنفرانس کې یو ځل بیا ټینګار کړی دی، چې د افغانستان د ثبات یوازینۍ لاره  ټولګډونه حکومت جوړول دي.

رئیسي ویلي، اوس مهال دوامداره امنیت ته ډېره اړتیا ده.

رئیسي زیاته کړې،نړیواله ټولنه چې له اسلامي امارت کومې غوښتنې لري، دغه غوښتنې د افغان ولس هم دي.

رئیسي ویلي، ټولو ډلو او قومونو ته باید په حکومت کې ځای ورکړل شي او دایمي امنیت او ثبات ته زمینه برابره شي.

اخوا اسلامي امارت بیا دغه ټولې ادعاوې ردوي او وايي،په حکومت کې یې ټول قشرونه شامل دي او لا نور هم د ټولګډونتوب لور ته روان دی.