د کونړ په څوکۍ ولسوالۍ کې  بزګرو ته کرنیز ماشینونه ورکړل شول 

د کونړ ولایت په څوکۍ ولسوالۍ کې د ملګرو ملتونو د خوړو نړیوال پروګرام په مالي ملاتړ او د افغانستان د راتلوونکو نسلونو موسیسې (ایف.جي.اې) په تخنیکي همکارۍ د کروندګرو څلورو ټولنو ته د ۵.۵ میلیونو افغانیو پر ارزښت کرنیز ماشینونه ورکړل شول. 

په دغه مرسته کې درې ټراکټورې، څلور زرنج موټرسایکلې او نور کرنیز ماشین الات شامل ول.

ځايي کروندګر بیا وايي، د افغان کروندګرو لاسنیوی دې وشي،ترڅو د کرنې په برخه کې شته اړتیاوې پوره شي. 

په دې وروستیو کې د نورو سکتورو تر څنګ د کرنې او مالدارۍ سکتور هم له ګڼو ستونزو سره مخ دی.