Skip to content
د اسلامي امارت د کورنیو چارو وزارت سرپرست سراج الدین حقاني د سه شبنې پر ورځ د « ۱۴۰۱ د غويي ۲۱ مه» د افغانستان لپاره د اروپايي ټولنې له ځانګړي استازي توماس نیکلاسن سره کتنه کړې.
په دې لیدنه کې د امنیتي مسایلو ترڅنګ، په بهر کې د چاپ شویو افغان پاسپورټونو د رالېږد په اړه هم خبرې شوې دي.
نیکلاسن ژمنه وکړه،چې په دې برخه کې به له کورنیو چارو وزارت سره همکاري وکړي.
نیکلوسن له سراج الدین حقاني سره په دغه ناسته کې د افغانستان امنیت د سیمې او نړۍ د امنیت لپاره ډېر اړین وباله او له سرپرست وزیر حقاني یې په دې برخه کې ډاډ ترلاسه کړ.
حقاني په خپلو خبرو کې یادونه وکړه،چې اسلامي امارت د دوحې هوکړې پر بنسټ هېچاته اجازه نه ورکوي،چې بل هېواد ته له افغان خاورې ګواښ پېښ شي.
