امریکايي ځواکونه د وسلو ترمیم برخه کې له افغان کډوالو کار اخېستل غواړي

د امریکا دفاعي ادارې ویلي، د جنګي بیړیو او وسلو د ترمیم په برخه کې یې کسان په کار دي او امکان لري،چې اوکرایني او افغان کډوال انتخاب کړي.

د امریکا د سمندري ځواکونو یوه جنرال دغه وړاندیز کړی دی،چې باید په دې برخه کې له افغان او اوکرایني کډوالو کار واخیستل شي.

تر دې وړاندې هم د افغان ځواکونو چې اوس په امریکا کې کډوال دي، ځینې اوازې خپرې شوې وې،چې د امریکا په نظامي برخو کې به مدغم شي.

زرګونه افغان ځواکونه،چې اوس مهال امریکا ته کډوال شوي،په بېلابېلو برخو کې ترې د ګټې اخیستو پلانونه جوړیږي.