په بریټانیا کې ۱۲ زره افغان کډوال اوس هم هوټلونو کې میشت دي

بریټانیوي رسنۍ وايي، په بریټانیا کې د کورونو او اوسېدو ځایونو موندل سخت شوي او له همدې امله شااوخوا ۱۲ زره افغان کډوال په هوټلونو کې میشت دي.

دغه کډوال شکایت کوي،چې له څو میاشتني انتظار وروسته،اوس هم ورته حکومت کورونه نه دي ورکړي.

بریټانیايي رسنۍ وايي،ښايي دغه کورنۍ تر یوه کال پورې په هوټلونو کې پاتې شي.

راپورونه وايي،د اوکراین موضوع او اروپا ته د اوکرایني کډوال ورتګ هم د افغان کډوالو پر وضعیت منفي اغیزې کړي او څوک یې په قضیو پسې نه ګرځي.

بل لور ته ابوظبۍ او یو شمیر نورو هېوادونو کې هم افغان کډوال،چې د تخلیې په بهیر کې وتلي وو، د ژوند له سختو شرایطو سره مخ دي.