Skip to content
د ملګرو ملتونو عمومي منشي انټونیو ګوترس یو ځل بیا وايي، له افغانستان د نړیوالو پراخ ملاتړ ته اړتیا ده.
ګوترس وایي،له افغانستان سره د داسې مرستو او ملاتړ اړتیا ده،چې په دغه هېواد کې کورنۍ له لوږې او بېوزلۍ وژغورل شي او روان ناوړه وضعیت ته د پای ټکی کېږدي.
د ګوترس په خبره، له افغانانو سره د اقتصادي مرستو تر څنګ اړتیا ده،چې د ښوونځیو د پرانېستلو لپاره یې هم هڅې وشي.
د ملګرو ملتونو عمومي منشي داسې مهال دغه څرګندونې کوي، چې ملګرو ملتونو له افغانستان سره د ۴،۵ میلیارده ډالرو بشردوستانه مرستې غوښتنه کړې ده، خو مرستندویه هېوادونو یوازې ۲،۵ میلیارده ډالر راټول کړي دي.
