Skip to content
په افغانستان کې د شنبې پر ورځ د « ۱۴۰۱ کال د وري پر ۱۳ مه» د لومړي ځل لپاره د اذان سیالۍ پيل شوې.
د شمشاد راډيو تلوېزیوون د ديني خپرونو مسوول رضا خان سیرت وايي، د اذان سيالۍ چې د سلګونو ګډونوالو په شتون کې پیل شوې،د هېواد له بېلابېلو ولايتونو په کې ګډونوالو برخه اخېستې،چې غوره پنځه اذان ویوونکي به ترې غوره شي.
سيرت زیاتوي:« په هېواد کې د لومړي ځل لپاره شمشاد نړیوال ټلویزیون د آذان سیالۍ پيل کړه. الحمدالله نن یې لومړی ورځ او شروع شوه.هدف له دغې سیالۍ خپلو هېوادوالو هڅول او همدارنګه زموږ او ستاسو هغه هېوادوال،هغه کادرونه،چې په اذان کې واقعا ښه تجربه، ښه پوهه لري،ترڅو د هغوی استعداد بهر ته راوباسو او له هېوادوالو سره یې شريک کړو.»
د ازان سيالۍ ازرونکې بیا وايي،دوی ډاډ ورکوي، چې د يادې سيالۍ برخوال د ځانګړې اصولو له مخې په پوره روڼتيا او انډول ارزول کيږي او وړتيا لرونکې اشخاص به يې بل پړواو ته لار پیدا کوي.
د سيالۍ ارزونکی قاري مبین شاه وايي:« انشاء الله تاسو ټولو لېدونکو ته او تاسو ټولو خپلو هېوادوالو ته دا ډاډ ورکوو او په ځانګړي ډول هغو کسانو ته،چې په دې سیالۍ کې یې ګډون کړی. الحمدالله دا حاکمان، داور صاحبان په ډېر شفاف او هغه معیارونه چې د آذان په سیالۍ کې پر نړیواله کچه په نظر کې نیول شوي، د هغو پر اساس به پرېکړه کېږي. انشاء الله.»
د سيالۍ ګډوانوال د شمشاد راډیو تلويزون له ياد نوښت خوښ دي او مننه کوي،چې په ياده برخه کې یې ورته د استعدا ځلولو فرصت برابر کړی دی.
د اذان سيالۍ یو تن کډونوال وايي:« له موږ سره الفاظ نشته دی،چې بیان یې وکړو. موږ له دغه ټلوېزیون او کارکوونکو یې،چې د دغې سیالۍ لپاره یې زمینه برابره کړې، مننه کوو. اللهج دې دوی ته خیر ورکړي،چې تل دغسې نیک نیک او زموږ افغانان وهڅوي،ترڅو هغې پورې چې د قرآن دغسې سیالۍ وشي. د آذان خو دغه ده االحمدالله موږ ډېر راضي یو داسې الفاظ نشته دی،چې هغه تاسو ته بیان کړو.»
ځنې نور ګډونوال بیا وايي،د دې سيالۍ لپاره پوره چمتوالی لري او هڅه کوي،چې نورو پړوانو ته لار پیدا کړي.
د سيالۍ یو بل کډونوال بیا وايي:« واقعا د هیواد په کچه که مبالغه ونشي د نړۍ په کچه دا لومړی زل وي
د اذان سيالۍ د لومړي ځل لپاره په هېواد کې د شمشاد راډیو تلوېزیون ون په نوښت کې پیل شوې دي، چې د ۶ ورځو په جريان کې به په پنځو پړاونو کې ترسره شي او د اخیري پړاو ۵ تنو ته برياليو ګډونوالو ته به ځانګړې جايزې ورکړل شي.
