ځینې په دې اند دي،هغوسیاسیونو چې په تیره شل کلنه دوره کې د خلکو پر وینو او سر تجارت کړی او اوس له هېواده بهر تلي دي،د خلکو په منځ کې ځای نه لري .
دوي وايي،دغه ډله سیاسیون دې د بیا ځلي لپاره په افغانستان کې د قدرت جزیرو جوړول خوبونه نه ګوري او را دې شي عادي ژوند دې پیل کړي.
د سیاسي چارو شنونکی طارق فرهادي وايي:«هر افغان تبعه کولای شي،چې افغانستان ته تګ راتګ وکړي. افغانستان د ټولو هېواد دی. افغان سیاسیون مخکې له دې چې ولاړ شي،باید ځان په ایینه کې وګوري او دا پوښتنه لومړی له ځانه وکړي،چې د خلکو له سترګو لوېدلي یا هم دا چې په راتګ سره به د خلکو له هرکلي سره مخ شي. په دې فکر کې دې نه وي،چې د قدرت جزیزې دې بیا تشکیل کړي.»
د سیاسي چارو شنونکی حکمت الله حکمت بیا وايي، اسلامي امارت دې هم له تیرو حاکمانو درس واخلي او د ځان او ولس ترمنځ دې واټن نه رامنځته کوي .
حکمت وايي، اسلامي امارت ته په کار دي،چې د خلکو زړونه لاسته راوړي او هغه څه ترسره نه کړي، چې ولسونه پرې خفه کیږي.
هغه زیاته کړه:« که چېر اوسني حاکمان د خلکو زړونه خپل نه کړي او پر رښتینې توګه د خلکو ازادۍ ته احترام قایل نه شي، وېره دا ده،چې افغان زده کړیال به له دې خاورې ووځي.»
ترامرې ثاني له شپږم ټولګې پورته د نجونو ښوونځیو د دروازو تړل هغه څه دي،چې ولسونو ته د منلو نه دي او خلکو د نجونو پرمخ د ښوونځیو پرانېستل غواړي.
